Mindäh rahvahal otetah dengua penziespäi?

Toiči rahvas soitetah Eläkehfondah da kyzytäh, mindäh penzii on vähennyh?
Zakonan mugah ottua dengua penziespäi voijah, gu sih niškoi ollah kai dokumentat. Gu ristikanzu ei ilmoitannuh aigoinah Eläkehfondah tärgielöi tiedoloi, kuduat voijah vaikkuttua penzien muuttamizeh, Eläkehfondu voi ottua liijäkse maksetut dengat järilleh. Sen ližäkse dengua penziespäi voijah ottua suvvon piätöksen mugah, täh kuulutah, ezimerkikse, vellat komunualupalveluksis. Täs tapahtukses ristikanzu rubieu suamah vai 50 % omas penziespäi. Gu ristikanzu ei maksa alimentoi libo rikoi zakonua, min periä hänele pidäy korvata mentyksii dengoil, täs tapahtukses voijah ottua 70 % penziespäi. Gu ristikanzu maksoi kai omat vellat, a hänel yksikai otetah dengua penziespäi, hänel pidäy kiändyö suvvon pristavoin puoleh, vaigu sen jälles hänele annetah järilleh liijakse maksetut dengat.
Eläkehfondan piätöksen mugah, ristikanzal voijah ottua vai 20 % pienziespäi. Se koskou tapahtuksii, konzu ristikanzu viäräh sai korgiembua penziedy, migu pidi suaja. Ezimerkikse, eläkkeläine, kudual on opastui lapsi, joga kuudu sai ližämaksuloi yhtes penzienke. Hänen lapsi hylgäi opastundan, elekkeläine ei ilmoitannuh sit Eläkehfondah da endizelleh sai ližämaksuloi. Eläkehfondu ottau liijakse maksetut dengat järilleh. Gu penziespäi ei otettas dengua joga kuudu, ristikanzu voi kiändyö Eläkehfondah da maksua kai dengat kerras. Gu ristikanzu ei tahto maksua velgudengoi iče, Eläkehfondu voi kiändyö suudoh.

Будьте первым, кто оставит отзыв на статью "Mindäh rahvahal otetah dengua penziespäi?"

Оставьте ваш комментарий