Mindäh indeksoiččemizen jälles penzii voi jiäjä endizel tazol?

Karjalan Eläkehfondu suau äijän kaičus- da sotsiualupenzielöin indeksoiččemisty koskijua kyzymysty. Ezimerkikse, Eläkehfondan puoleh kiändyi ruavotoi eläkkeläine da kyzyi, mindän indeksoiččemizen jälles hänen penzii ei kazvanuh? Kui oli 8803 rubl`ua, nengoizeksegi jäi.
Karjalan Eläkehfondan specialistat sellitetäh:
Rahvahal maksetah kui kaičus- mugai sotsiualupenzielöigi. Tämän vuvven allus kaičuspenziet indeksoittih kolmel pilku seiccemel procental. Mustoitammo, gu indeksoittuloi penzielöil maksetah vaigu ruavottomil eläkkeläzil. Ruadajat eläkkeläzet suajah penzielöi ilmai indeksoimistu. Sociualupenziet kui ruadajil mugai ruavottomil eläkkeläzil indeksoijah 1. sulakuudu nelläl pilku yhtel procental. Eläkkeläzil, kudualoin penzii on vähembi eländyminimumua, maksetah avukse federuallizii sotsiualumaksuloi. Karjalas eläkkeläzen eländyminimumu on 8803 rubl`ua. Federuallizien abudengoin miäryy rippuu ristikanzan tulolois, midä pienembät ollah tulot, sidä suurembi on abudengoin miäry. Penzien nostettuu abudengoin miäry vähenöy. Ga kogonaine summu jiäy endizekse. Sendäh gi indeksoiččemizen jälles ristikanzu ei näi penzien kazvuu.

Будьте первым, кто оставит отзыв на статью "Mindäh indeksoiččemizen jälles penzii voi jiäjä endizel tazol?"

Оставьте ваш комментарий