Telefonan kauti sellitetäh, kui voibi käyttiä muamažusdengoin jogakuuhizii maksuloi

Tämän vuvven 10. pakkaskuudu algajen Ven`an Eläkehfondan Karjalan ozastos viijestostu kuudehtostu čussussah päiviä ruvetah vastuamah rahvahan kyzymyksih, kuduat koskietah jogakuuhizii maksuloi muamažusdengoispäi. Mustoitammo, gu tämän vuvven 1. pakkaskuudu algajen vähävarazet perehet, kuduat tänävuon suajah oman toizen libo otetah toizen lapsen omah huolenpidoh, puolentostu vuvven aigua joga kuudu ruvetah suamah maksuloi muamažusdengoispäi. Jälgiaigua Eläkehfondah on kiändynyh äijy rahvastu, suurin oza vahnembis tahtou tiijustua, ongo heil oigevus moizih maksuloih, gu tovestukset muamažusdengoih hyö suadih mennyt vuon. Zakonan mugah maksuloi voijah suaja vai net perehet, kuduat jo suadih libo vie suajah toizen lapsen tänävuon. Rahvas, kuduat suadih tovestukset muamažusdengoih enne tädä vuottu, voijah maksua nämmil dengoi lapsienpäivykois, täh kuulutah ei-valdivollizet lapsienpäivykoitgi. Nygöi ei pie vuottua, konzu lapsi täyttäy kolme vuottu. Suaja vastavuksii muamažusdengoin käyttämisty koskijoih kyzymyksih voibi telefonan kauti 79 -55-00. Soittoloih ruvetah vastuamah joga ruadopäiviä viijestostu kuudehtostu čuassussah.

Будьте первым, кто оставит отзыв на статью "Telefonan kauti sellitetäh, kui voibi käyttiä muamažusdengoin jogakuuhizii maksuloi"

Оставьте ваш комментарий